Bıyl elimizde kómir tasymaly artty
«2022 jyldyń qańtar-shilde aılarynda «QTJ» UK» AQ jelisinde júk tıeý 147,6 mln tonnany qurap, bul ótken jyldyń sáıkes kezeńindegi kórsetkishten 0,1 paıyzǵa artyq boldy. Іshki tasymal kólemi 2,7 paıyzǵa, ıaǵnı 97,8 mln tonnaǵa deıin ósti. Eksport baǵytyndaǵy tasymal 49,7 mln tonna júkti qurady», - delingen atalǵan kompanııa málimetinde.
Osy jylǵy 7 aı qorytyndysy boıynsha tıelgen tas kómir 62 mln tonna jetip, bul byltyrǵy deńgeıinen 4,6 paıyzǵa joǵary boldy. Onyń ishinde el ishinde 42,4 mln tonna jóneltildi.Qatty otyn eksporty 12,2 paıyzǵa, 19,7 mln tonnaǵa deıin ósti.
«Al Astyq tasymaldaý kólemi 4,9 mln tonna deńgeıinde, onyń ishinde eksportqa 3,7 mln tonnasy jóneltildi», - dep atalyp ótken habarlamada.
Osy kezeńde hımııa tyńaıtqyshtaryn tasymaldaý 7 paıyzǵa (2,4 mln tonna), munaı salasyndaǵy júkterdi tasymaldaý 4,1 paıyzǵa (10,5 mln tonnaǵa deıin), qurylys júkterin tasymaldaý 1 paıyzǵa (8,8 mln tonna) ulǵaıdy. Temir jáne marganets kenderin tıeý 12 mln tonnany, tústi ken tıeý 13 mln tonnany qurady.
