Bıyl elimizde qansha elektr energııasy óndirildi
NUR-SULTAN. QazAqparat – QR Energetıka mınıstrligi 2021 jylǵy qańtar-shilde aılarynyń qorytyndysy boıynsha energııa óndirý kórsetkishterin jarııalady, dep habarlaıdy QazAqparat tilshisi.
«Esepti kezeńde 66,2 mlrd kVt.saǵat
elektr energııasy óndirildi, ótken jyldyń sáıkes kezeńine 107,7% qurap otyr. Ekinshi toqsannyń qorytyndysy boıynsha Jańartylatyn energııa kózderi nysandary óndirgen elektr energııasynyń kólemi 2,03 mlrd kVt.saǵ qurap otyr, byltyrdyń sáıkes kezeńine qaraǵanda 142% qurady», - delingen mınıstrlik málimetinde.
Budan buryn habarlanǵandaı, kórsetilgen kezeńde munaı jáne kondensat óndirý kólemi 49,8 mln tonnany qurap, jospar 99% oryndaldy. Teńiz jobasynda atalǵan kezeńde 15,9 mln tonna munaı óndirildi, jospar 100 paıyzǵa atqaryldy. Qarashyǵanaq jobasynyń kórsetkishi 6,9 mln tonnany qurady, bul kórsetkish bıylǵy jeti aıdyń josparyna qaraǵanda 95,1%-dy qamtydy
