Bıyl elimizde qansha astyq bastyrylady

ASTANA. QazAqparat - «Qazaqstannyń astyq odaǵy» bıyl qansha astyq bastyrylatyndyǵyna boljam jasady, dep habarlaıdy QazAqparat tilshisi.

«Bıyl jańa ónimnen qansha mln tonna astyq bastyrylady dep kútemiz? Ázirshe Astyq odaǵy aldyn ala baǵalaý jasap otyr. Barlyq sarapshylar men aýyl sharýashylyǵy taýarlaryn óndirýshiler jańa ónimdi baǵalaýda abaı bolý kerektigin, shamamen 14,5 mln tonna bıdaı bastyrylatyndyǵyn aıtýda», - dedi «Qazaqstannyń astyq odaǵy» Saýda komıtetiniń basshysy Aleksandr Malov BAQ ókilderine arnalǵan dóńgelek ústel barysynda.

Onyń atap ótýinshe, astyq óndirisine qatysty jospar da óte joǵary.

«Bul ótken jyldan qalǵan astyq pen eksporttaý múmkindigine oraı astyq óndirisine qatysty óte jaqsy josparymyz bar. Jańa maýsymdaǵy (2023/2024 marketıng jylyndaǵy) eksport kólemin 8,5-9 mln tonna mólsherinde baǵalap otyrmyz. Bul óte jaqsy kólem. Endigi másele bul astyqty qaıda eksporttaıtyndyǵymyzǵa qatysty», - ol.

Buǵan deıin elimiz 2022/2023 marketıng jylynda astyqtyń rekordtyq kólemin eksportqa shyǵaratyndyǵyn jazǵan edik.