Bıyl elimizde qansha adamǵa KVI-ge qarsy vaktsına salynady

NUR-SULTAN. QazAqparat – Bıyl 6 mln adamǵa KVI-ge qarsy vaktsına salynady. Bul týraly QR Densaýlyq saqtaý birinshi vıtse-mınıstri Marat Shoranov málim etti, dep habarlaıdy QazAqparat tilshisi.

«Memleket basshysynyń tapsyrmasy boıynsha bıylǵy 1 aqpannan bastap Qazaqstanda koronavırýs ınfektsııasyna qarsy vaktsınalaý bastaldy. Birinshi kezeńde reseılik «Spýtnık V» ekpesi satyp alyndy. Qysqa merzimde Qaraǵandy farmatsevtıka kesheni bazasynda «Spýtnık–V» vaktsınasynyń ónerkásiptik óndirisi júzege asyryldy. Otandyq taýar óndirishiniń jetkizilimderi kestege sáıkes júrgizildi», - dedi birinshi vıtse-mınıstr Ortalyq kommýnıkatsııalar qyzmetinde.

Sonymen qatar ol bıyl sáýir aıyna «QazCovid-in» otandyq óndiris vaktsııanasyn paıdalaný josparlanǵanyn atap ótti.

«Osy arqyly 2021 jyly 6 mln adamǵa ekpe saldyrýdy josparlap otyrmyz. Immýnoprofılaktıka úshin IT-tehnologılar múmkindigi keńinen paıdalanylyp keledi», - dedi Marat Shoranov.