Bıyl elimizde qandaı shetel ýnıversıtetteriniń fılıaldary ashylady

ASTANA. QazAqparat – Joǵary oqý oryndarynyń ulttyq reıtıngi engiziledi. Bul týraly Úkimet otyrysynda Ǵylym jáne joǵary bilim mınıstri Saıasat Nurbek aıtty, dep habarlaıdy QazAqparat tilshisi.

«Sheteldik joǵary oqý oryndarynyń fılıaldaryn qurý boıynsha da aýqymdy jumys atqaryldy. 2022 jyly Almaty qalasynda De Montfort University fılıaly, ál-Farabı atyndaǵy Qazaq ulttyq ýnıversıtetiniń bazasynda «MIFI» Ulttyq ıadrolyq zertteý ýnıversıtetiniń fılıaly, S.Ótebaev atyndaǵy Atyraý munaı jáne gaz ýnıversıteti bazasynda I.Gýbkın atyndaǵy Reseı munaı jáne gaz ýnıversıtetiniń fılıaly, sondaı-aq M.Qozybaev atyndaǵy Soltústik Qazaqstan ýnıversıtetiniń Arızona ýnıversıtetimen strategııalyq áriptestigi quryldy», - dedi S.Nurbek.

Onyń aıtýynsha, bıyl taǵy birneshe fılıal ashylady:

2023 jyly:

- Jubanov atyndaǵy Aqtóbe óńirlik ýnıversıteti bazasyndaǵy Herıot-Ýott ýnıversıtetiniń (Shotlandııa) fılıaly;

- Shákárim ýnıversıteti bazasyndaǵy Ekonomıka ýnıversıtetiniń (Polsha) fılıaly;

- Esenov ýnıversıtettiń bazasynda Nemis joǵary oqý oryndarynyń konsortsıýmy quryldy.

«Al keler jyly 5-6 myqty oqý oryndarynyń fılıaldary ashylady», - dedi mınıstr.

Onyń aıtýynsha, alǵash ret Times Higher Education agenttigimen birlesip, Joǵary oqý oryndaryn saralaýdyń ulttyq júıesi jobasy ázirlendi. Elimizde joǵary bilim berý júıesin damytýdyń ózekti maqsattary men mindetterin eskeretin ádisteme ázirlendi. Ulttyq reıtıng talapkerlerge bolashaq mamandyqty tańdaǵanda, ásirese, sheteldik stýdentter úshin qajet. Reıtıng álemniń jetekshi reıtıngtik agenttikteri (QS, THE, CWUR jáne t.b.) paıdalanatyn ındıkatorlar men kórsetkishterdi qamtıtyn joǵary oqý oryndarynyń bilim berý-ǵylymı qyzmetin keshendi baǵalaýdy eskeredi. Ulttyq reıtıngti qalyptastyrý tsıfrlyq tehnologııalardy paıdalana otyryp júzege asyrylatyn bolady.