Bıyl elimizde qandaı mamandyqtarǵa suranys artty
«Búgingi tańda elimizdegi jumyssyzdyq deńgeıi 4,9 paıyzdy quraıdy. ıAǵnı, 449 myń adam jumyssyz retinde tirkeýde tur. Bizde elektrondy eńbek bırjasy bar. Soǵan saraptama júrgizip otyramyz. Mamandyqtarǵa suranys ártúrli bolyp keledi. Máselen, osy jyldyń basynda qurylysshylarǵa, qyzmet kórsetý salasy qyzmetkerlerine 65 myń suranys bolsa, qazir egin egý maýsymyna baılanysty aýyl sharýashylyǵy mamandaryna suranys artyp tur. Dárigerlerge, onlaın formatta jumys isteıtin ІT-mamandaryna da suranys basym», - dedi vıtse-mınıstr Ortalyq kommýnıkatsııalar qyzmetindegi baspasóz máslıhaty barysynda.
Onyń atap ótýinshe, mınıstrlik qazirgi ýaqytta jumysshy tapshy mamandyqtarǵa saraptama jasap jatyr. Onyń qorytyndysynda aldaǵy ýaqyttaǵy oqytý kýrstary sol mamandyqtar boıynsha júrgiziledi.
«Qajetti mamandyqtar atlasyn jasadyq. Tek bizde emes, basqa da memleketterde qandaı ózgerister bolyp jatqanyn zerdeledik. Óıtkeni, eńbek naryǵy jyljymaly bolyp keledi. Otandastarymyz shetelge baryp, sheteldikter bizge kelip jumys istep jatyr. Sondyqtan bolashaqta qandaı mamandyqtar bolmaıtyndyǵyna, qandaı mamandyqtar transformatsııaǵa ushyraıtyndyǵyna, qandaı mamandyqtar suranysta bolatyndyǵyna saraptama jasadyq. Qorytyndysynda 239 jańa mamandyq paıda bolyp, 95-i transformatsııaǵa ushyrady», - dedi Erjan Birjanov.
