Bıyl elimizde halyqty gazdandyrý deńgeıi 54 paıyzǵa jýyqtaıdy
«2020 jyly 51 gazdandyrý jobasyn iske asyrý úshin 38,4 mlrd teńge bólindi. 13,8 mlrd teńge somasyndaǵy 19 jobany aıaqtaý nátıjesinde eldi gazdandyrý deńgeıi 53,07 paıyzdy qurady nemese 9,84 mln adam tabıǵı gazǵa qol jetkizdi. Memleket basshysynyń tapsyrmalaryna sáıkes taldaý júrgizilip, quny 302 mlrd teńgeden asatyn, paıdalanýshy uıymdardyń teńgerimine berilmegen 1 227 nysan anyqtaldy. Búgingi tańda jalpy somasy 74,5 mlrd teńge bolatyn 318 nysan tapsyryldy», - dedi mınıstr.
2020 jylǵy naýryzda Qazaqstan Respýblıkasy men Reseı Federatsııasynyń Úkimetteri arasyndaǵy «Baıqońyr» keshenin gazben jabdyqtaý týraly kelisimdi ratıfıkatsııalaý týraly Qazaqstan Respýblıkasynyń Zańy qabyldandy. Atalǵan Kelisim Baıqońyr qalasynyń turǵyndaryna kommýnaldyq qyzmetterdi tóleý shyǵyndaryn azaıtýǵa múmkindik berdi.
«2021 jyldyń sońyna qaraı halyqty gazdandyrý deńgeıi 53,7 paıyzdy qurap, 119 myń adam gazǵa qol jetkizetin bolady. Sonymen qatar 2021 jyly Gaz salasyn damytýdyń keshendi josparyn ázirleý jáne Qazaqstan Respýblıkasyn gazdandyrýdyń bas shemasyn ózektendirý boıynsha jumys júrgiziledi. Bul elimizdiń energııa resýrstaryn tıimdi paıdalanýǵa jáne gaz taratý jelilerin salý kezinde bıýdjet qarajatyn ońtaıly bólýge múmkindik beredi», - dedi N. Noǵaev.
