Bıyl elimizde dzıýdodan ótetin mańyzdy jarystardyń tizimi jarııalandy
ASTANA. QazAqparat - Qazaqstannyń Dzıýdo federatsııasy 2019 jyly dzıýdodan ótetin mańyzdy jarystardyń tizimin jarııa etti, dep habarlaıdy QazAqparat federatsııanyń Feısbýktegi paraqshasyna silteme jasap.
2019 jyly 7-12 aqpan aralyǵynda Taraz qalasynda 2002-2003 j.t., jasóspirimder (uldar men qyzdar) arasyndaǵy dzıýdodan Qazaqstan Respýblıkasynyń jeke jáne komandalyq chempıonaty ótkiziledi.
2019 jyldyń 1-6 naýryz aralyǵynda Atyraý qalasynda 1999-2001 j.t., jastar arasynda (erler men qyzdar) arasynda Qazaqstan Respýblıkasynyń jeke jáne komandalyq chempıonaty ótedi.
29 naýryz - 3 sáýir aralyǵynda Aqtóbe qalasynda 2002-2003 j.t., mektep-ınternat oqýshylary arasynda Qazaqstan Respýblıkasynyń chempıonaty ótedi.
20-21 sáýirde Almaty qalasynda Almaty Junior/Cadet Asian Cup ótkiziledi.
3-6 mamyrda Óskemende 23 jasqa deıingi erler men áıelder (ótpeli) arasyndaǵy Qazaqstan Respýblıkasynyń ashyq chempıonaty ótkiziledi.
6-10 maýsymda Oral qalasynda Erler men áıelder arasyndaǵy Qazaqstan Respýblıkasynyń Spartakıadasy (jeke jáne komandalyq) ótedi.
Qyzylorda qalasynda 14-17 maýsym aralyǵynda 2004-2005 j,t., jasóspirimder (uldar men qyzdar) arasyndaǵy Qazaqstan Respýblıkasynyń chempıonaty ótedi.
Aqtaý qalasynda 18-19 shilde aralyǵynda Asian Open saıysy ótkiziledi.
Taraz qalasynda 27-29 qyrkúıek aralyǵynda B.Tashmetovti eske alýǵa arnalǵan jasóspirimder arasyndaǵy halyqaralyq týrnır ótkiziledi.
