Bıyl elimizde dzıýdodan 6 chempıonat ótkiziledi
NUR-SULTAN. QazAqparat - 2020 jyly ótkiziletin dzıýdodan Qazaqstan chempıonattarynyń merzimi belgilendi, dep habarlaıdy QazAqparat Qazaqstannyń dzıýdo federatsııasyna silteme jasap.
Bıyl kúntizbe boıynsha barlyǵy 6 el birinshiligi ótkiziledi
6-11 aqpan kúnderi Qostanaı qalasynda dzıýdodan 2003-2004 jyldary týǵan jasóspirimder arasyndaǵy Qazaqstan chempıonaty uıymdastyrylady
4-9 naýryz kúnderi Taraz qalasynda 2000-2002 jyldary týǵan jastar arasyndaǵy Qazaqstan chempıonaty ótkiziledi.
27-30 naýryz kúnderi Nur-Sultan qalasynda dzıýdodan 23 jasqa deıingi erler men áıelder (ótpeli) arasyndaǵy Qazaqstan Respýblıkasynyń ashyq chempıonaty bolady.
1-6 mamyr kúnderi Oral qalasynda dzıýdodan 2004-2005 jyldary týǵan sport-ınternat oqýshylary arasyndaǵy Qazaqstan chempıonaty uıymdastyrylady.
17-20 maýsym kúnderi Túrkistan oblysy, Shardara qalasynda dzıýdodan 2005-2006 jyldary týǵan jasóspirimder arasyndaǵy Qazaqstan chempıonaty ótkiziledi.
3- 8 qarasha kúnderi Atyraý qalasynda dzıýdodan erler men áıelder arasyndaǵy Qazaqstan Respýblıkasynyń chempıonaty ótedi.
