Bıyl elimizde azyq-túliktiń qaı túri qymbattady
«Jyl basynan beri áleýmettik mańyzy bar azyq-túlikterdiń baǵasynyń ósýi 7,5 %-dy quraıdy (2020 jyly 5,6%-dy quraıdy). Bıylǵy jartyjyldyqta negizgi baǵa ósimi 5 baǵyttan turady. Atap aıtqanda, kókónister (kartop, sábiz), kúnbaǵys maıy, qant, qaraqumyq jáne jumyrtqa. Sońǵy 2 aıda kókónister baǵasynyń ósýi baıqaldy, onyń ishinde kartop 69,1%, sábiz 73,4%-ǵa ósken», - delingen S. Jumanǵarınniń depýtat saýalyna bergen jaýabynda.
Onyń aıtýynsha, taýar naryǵyndaǵy birqatar mindettemeler baǵanyń ósýine aıtarlyqtaı áser etken.
- Jumyrtqa óndirisi naryǵy. 2020 jyly taýyqtardyń qyrylýynan (2,6 mln taýyq) óndiris azaıdy. Jem-shóptiń qymbattaýy. Jumyrtqa baǵasynyń ósirmeýge arnalǵan qarjynyń ýaqytyly bólinbeýi. Jumyrtqa óndirisine arnalǵan sýbsıdııanyń 50%-ǵa qysqartylyýy. Saldarynan jumyrtqa óndirisimen shuǵyldanatyn 34 iri qus fabrıkasynyń 5-i óz qyzmetin toqtatty;
- Qaraqumyq óndirisi naryǵy. Ótken jyly 2019 jylmen salystyrǵanda elimizde qaraqumyq óndirisi 11%-ǵa qysqardy. Qaraqumyq egis kólemi 99 245,4 gektardan 57 917,6 gektarǵa azaıdy (nemese 41,6 %);
- Qant óndirisi naryǵy. Óndiristiń 30%-ǵa qysqarýy men ımport úlesiniń 66%-ǵa artýy. Qant qyzylshasyn egý kóleminiń 17 myń gektardan 15,2 gektarǵa azaıýy. Reseı jáne Belorýs eli jetkizýshileriniń baǵany ósirýi.
- Kúnbaǵys maıy naryǵy. Shıkizat baǵasynyń ósýi men ımport úlesiniń 30%-ǵa artýy.
- Jemis-jıdek, kókónister naryǵy. Ónimdi saqtaý oryndarynyń jetispeýi. Sáıkesinshe qordaǵy jemis-jıdek, kókónister buzylyp, saldarynan jyl saıyn maýsym aıynda baǵanyń ósýine alyp keledi. Agenttikte aıtylǵandaı, 2019 jyly kartop óndirisi 3,9 mln tonnany qurasa, ótken jyly 4 mln tonnany qurady. Іshki naryqty qamtamasyz etý 100%-dy quraıdy.
«Áleýmettik mańyzy bar azyq-túlik baǵasynyń ósýiniń taǵy bir sebebi - ımportqa táýeldilik. ıAǵnı áleýmettik mańyzy bar taýarlardy tutyný kólemi ımporttyń esebinen jabylady. Onyń ústine álemdik taýar óndirisiniń baǵasy 30%-ǵa ósti. Bizde daıyn ónim ǵana emes, shıkizatta ımporttalady. Olaı deıtinim, shıkizattyń da baǵasy qymbattady, aıtar bolsaq, kúnbaǵystyń baǵasy 2 esege ósti», - deıdi Serik Jumanǵarın.
