Bıyl elimizde 82,2 mlrd. kVt saǵat elektr energııasy tutynylatyn bolady

ASTANA. Shildeniń 23-i. QazAqparat /Ernur Aqanbaı/ - Bıyl elimizde 82,2 mlrd. kVt saǵat elektr energııasy tutynylatyn bolady.

Búgin Astanada ótip jatqan Indýstrııa jáne jańa tehnologııalar mınıstrliginiń keńeıtilgen alqa májilisinde Elektr energetıkasyn jáne kómir ónerkásibin damytý departamentiniń dırektory Jaqyp Bókenbaev osylaı aıtty.

«Jedel derekter boıynsha, shildeniń 1-inde respýblıkamyzda 41,87 kVt saǵat elektr energııasy tutynyldy. Ósim 9,7 paıyzdy qurady. Al elektr energııasyn óndirý 7,5 paıyzǵa ósti. Qalyptasqan jaǵdaı 2010 jyly elimizde 82,2 mlrd. kVt saǵat elektr energııasy tutynylady dep josparlaýǵa múmkindik beredi», - dedi alqada J.Bókenbaev.

Onyń aıtýynsha, tıisinshe jyldyń sońyna deıin elimizde 84,7 mlrd. kVt saǵat elektr qýaty óndiriledi dep kútilýde.