Bıyl elimizde 49 jylý qazandyǵy jóndeýden ótedi
ASTANA. QazAqparat – Energetıka mınıstrliginiń jospary boıynsha bıyl eldegi 49 jylý qazandyǵy jóndeýden ótedi. Vedomstvo basshysy Almasadam Sátqalıev Úkimet otyrysynda osyndaı jospary bar ekenin aıtty, dep habarlaıdy QazAqparat tilshisi.
«Bıyl júıelik operator bekitken keste boıynsha elektr stantsııalaryndaǵy 10 energetıkalyq blokty, 49 qazandyq pen 54 týrbınany jóndeý josparlanǵan.
Qazirgi tańda jóndeý jumystary 1 energetıkalyq blokta, 2 qazandyq pen 3 týrbınada bastalyp ketti. Qaraǵandy, Mańǵystaý oblystarynda elektr stantsııalarynyń negizgi jabdyqtaryn jóndeý jumystary merziminen keshikkenin aıtý kerek.
Elektr jelilerine kelsek, jalpy uzyndyǵy 25 myń shaqyrym elektr jekizetin jelini, 564 joǵary kerneýli qosalqy stantsııany jóndeý josparlanǵan. Elektr jelilerin jóndeý mamyr aıynda bekitilgen kestege sáıkes bastalady», - dedi ol.
