Bıyl elimizde 30 myńnan astam balaǵa júzý úıretildi
NUR-SULTAN. QazAqparat – Elimizde balalardyń sýdaǵy qaýipsizdigin qamtý maqsatynda olardy júzýge úıretý qolǵa alyndy. Bıylǵy shomylý maýsymynda elimiz boıynsha 32 850 bala sýda júzýge úıretilipti, dep habarlaıdy QazAqparat tilshisi.
«Shomylý maýsymynda turǵyndar arasynda 1 mln 139 myń 935 dana sý qaýipsizdigi erejesi jazylǵan paraqsha taratyldy. Odan bólek, halyqpen sý qaýipsizdigi taqyrybyna arnalǵan 5 314 jıyn ótkizildi. Sonymen qatar bizdiń mamandar jergilikti atqarýshy organdarmen birlesip 32 850 balany júzýge úıretti. Atalǵan jumysqa 17 943 volonter tartyldy», - dedi QR Tótenshe jaǵdaılar mınıstrligi azamattyq qorǵanys jáne áskerı bólimder komıtetiniń basqarma basshysy Qanat Turysbaev OKQ-de ótken baspasóz máslıhatynda.
Sondaı-aq, basqarma basshysy qoǵamdyq oryndarda bolý qaǵıdatyn buzý jaıǵdaıy týraly aıtty.
«Bizdiń mınıstrlik ІІM-men, jergilikti atqarýshy organdar jáne volonterlermen birlesip 76 649 reıd jáne patrýl júrgizdi. Osy oraıda qoǵamdyq oryndarda bolý qaǵıdalaryn buzý faktisi boıynsha 4 788 adam ákimshilik jaýapkershilikke tartyldy. Jáne ortaq sýdy paıdalaný qaǵıdalaryn buzý boıynsha 5 781 adamǵa eskertý jasalyp, 172 azamatqa aıyppul salyndy», - deıdi ol.
Buǵan deıin Q. Turysbaev balalardyń sýǵa ketýine qatysty qaıǵyly oqıǵalardyń 82 paıyzynda ata-anasy qaraýsyz qaldyrǵan dep málimdedi.
