Bıyl elimizde 26 taýar naryǵynda taldaý júrgiziledi

NUR-SULTAN. QazAqparat – 2022 jylǵa Básekelestikti qorǵaý jáne damytý agenttigi 26 taýar naryǵynda, onyń ishinde negizgi tutyný naryqtarynda taldaý júrgizýdi belgiledi. Bul týraly Úkimet otyrysynda atalǵan agenttiktiń tóraǵasy Serik Jumanǵarın aıtty, dep habarlaıdy QazAqparat tilshisi.

«Habarlamany oryndamaý faktisi boıynsha «ETS taýar bırjasynyń» saýda alańyn uıymdastyrýshysyna qatysty tergeý júrgizilýde. Bas prokýratýra Agenttik qyzmetkerlerimen birlese otyryp, naryqtyń 102 sýbektisine qatysty, onyń ishinde saýda-sattyqty uıymdastyrýshylarǵa qatysty tekserýler bastady. Qosymsha, «jedel jeli» boıynsha alynǵan shaǵymdar aıasynda Agenttik ıAndeks taksı agregatoryna qatysty ekonomıkalyq qyzmetti úılestirý belgileri boıynsha tergep-tekserý taǵaıyndady», - dedi S. Jumanǵarın.

Onyń aıtýynsha, ınflıatsııaǵa qarsy jumysty odan ári júzege asyrý maqsatynda Agenttik monopolııaǵa qarsy sharalardy, atap aıtqanda taldaýlar júrgizý, monopolııaǵa qarsy komplaens qorytyndysy, habarlamalar, nusqamalar shyǵarý jáne tergeýler taǵaıyndaýdy jalǵastyratyn bolady.

«2022 jylǵa Agenttik 26 taýar naryǵynda, onyń ishinde negizgi tutyný naryqtarynda taldaý júrgizýdi belgiledi. Osy oraıda kómir, elektr energııasy, munaı ónimderi, taýarlyq gazdy kóterme jáne bólshek saýdada ótkizý, kommýnaldyq qyzmetterdi esepke alý quraldaryn ornatý, koronovırýs ınfektsııasy dıagnostıkasyn boıynsha PTR júrgizý jónindegi qyzmetter, dárilik zattar, jolaýshylardy áýe kóligimen turaqty ishki tasymaldaý, baılanys jáne basqalary qamtylady», - dedi agenttik basshysy.

Budan buryn habarlanǵandaı, kún saıyn suıytylǵan munaı gazynyń ótkizý baǵalaryna monıtorıng júrgiziledi.

Sonymen qatar , kóp jaǵdaıda taýarlardyń baǵasyn bólshek saýda sýbektileri kóteredi, atap aıtqanda «úıdiń janyndaǵy dúkender». Osy dúkender kóbine 15 %-dyq saýda ústemesin saqtamaıdy.