Bıyl elimizde 18 myń tonna ýran óndirilmek
ASTANA. Shildeniń 23-i. QazAqparat /Ernur Aqanbaı/ - Bıyl elimizde 18 myń tonna ýran óndirý josparlanyp otyr. Búgin Indýstrııa jáne jańa tehnologııalar mınıstrliginiń keńeıtilgen alqa májilisinde bul týraly Atom energetıkasy jáne ónerkásip departamentiniń dırektory Májıt Sháripov aıtty.
«2009 jyldyń qorytyndysy boıynsha, biz ýran óndirý kólemi jóninen álemde birinshi oryndy alamyz. 2010 jyly 18 myń tonna ýran óndirýdi josparlap otyrmyz», dedi alqada M. Sháripov.
Onyń aıtýynsha, «respýblıkamyz úshin osynshama ýrandy óndirý qajet pe?», degen suraq basy ashyq kúıinde qalýda. «Ýrandy qarqyndy óndiretin bolsaq, biz onyń resýrsyn 70-80 jyldyń ishinde sarqýymyz múmkin. Keleshektiń energetıkasy - atom energetıkasy ekenin eskere otyryp, bul máselege óte muqııat qaraýymyz kerek», dedi ol.
