Bıyl elimizde 121 myńnan astam balaǵa tegin ota jasaldy

ASTANA. QazAqparat – Qazaqstanda balalar men jasóspirimderge ota tegin jasalady, dep habarlaıdy QazAqparat tilshisi.

«Bıylǵy 10 aıdyń qorytyndysy boıynsha kepildendirilgen medıtsınalyq kómek jáne mindetti áleýmettik medıtsınalyq saqtandyrý júıesi aıasynda 0-18 jas aralyǵyndaǵy 121 161 balaǵa tegin ota jasaldy», - degen jaýap berdi Densaýlyq saqtaý mınıstrligi QazAqparat saýalyna.

Sondaı-aq, 72 bala otany shetelde jasatý múmkindigine ıe bolǵan.

«Densaýlyq saqtaý mınıstriniń 2021 jylǵy 26 mamyrdaǵy buıryǵyna sáıkes 72 balaǵa shetelde ota jasaýǵa joldama berildi», - deıdi vedomstvodan.

Buǵan deıin habarlaǵanymyzdaı, elimizde náreste ólimi kóbeıgen.

Aıtar bolsaq, bıyl 9 aıda ólim-jitim 8,18%-dy qurasa, ótken jyly atalǵan kórsetkish - 7,92%.