Bıyl elimizde 100-ge tarta tulǵa adam saýdasy men adam urlaý faktileri boıynsha sottaldy

Búgin QR Parlament Májilisiniń jalpy otyrysynda Úkimet basshysynyń atyna saýal joldap, elimizdegi adam saýdasynyń faktilerine alańdaýshylyq bildirgen  depýtat Aıgúl Nurkına osylaı málim etti.

Depýtattyń aıtýyna qaraǵanda, elimizde Qazaqstannyń óńirlerine jumysqa zańsyz jegý maqsatynda adam urlaýdyń birqatar faktileri anyqtalǵan. «Aǵymdaǵy jyldyń 10 aıynda 231 qylmystyq is osy adam saýdasyna qatysty qozǵalǵan. Olardyń ishinde 4-eýi jumysqa zańsyz jegýge qatysty adam urlaý bolsa, 13-i jumysqa salý maqsatynda adamdy zańsyz bas bostandyǵynan aıyrýǵa, 21-i adam saýdasyna qatysty bolyp otyr. 35 oqıǵa jezókshelikpen aınalysýǵa májbúrleý maqsatynda adam urlaý bolsa, onyń 11-i kámeletke tolmaǵandar bolyp shyqqan. 158 qylmystyq is prıtondar uıymdastyrý men olardy ustaýǵa qatysty qozǵaldy», - deıdi Aıgúl Nurkına. Onyń aıtýynsha, aǵymdaǵy jyldyń 10 aıynda 98 tulǵa adam saýdasyna qatysty sottaldy.

Osyǵan oraı, depýtat adam urlaý men satý qylmystarynyń aldyn alýǵa qatysty qabyldanyp jatqan memlekettik sharalarǵa, japa shekkenderdi memlekettik qoldaý isteri baǵytyna nazar aýdardy.