Bıyl elimiz Aýǵanstanǵa astyq eksporttaı ma

NUR-SULTAN. QazAqparat – Bıyl Aýǵanstanǵa otandyq astyqty eksporttaý máselesi qalaı bolmaq? Bul suraqqa QR AShM ósimdik sharýashylyǵy ónimderin óndirý jáne qaıta óńdeý departamentiniń dırektory Azat Sultanov jaýap berdi, dep habarlaıdy QazAqparat tilshisi.

«Bizdiń el úshin Aýǵanstan - astyq pen un eksporttaý naryǵyndaǵy strategııalyq seriktesimiz. Atalǵan eldegi saıası jaǵdaıǵa baılanysty astyq pen bıdaı jóneltý ýaqytsha toqtatylǵan edi. Qazirgi ýaqytta bıznes jáne tasymaldaýshylardyń aqparatyna sáıkes, tólem jáne astyq vagondaryn jetkizý máselesi sheshildi. Sondyqtan qazirgi ýaqytta astyq jóneltýde problema joq. Jalpy Qazaqstan men Aýǵanstan arasyndaǵy bıznes seriktestik jaqsy jolǵa qoıylǵan. Osy oraıda ol elge otandyq ónimderdi jóneltý óz deńgeıinde júrip jatyr. Statıstıkaǵa kelsek, búginde Aýǵanstanǵa 199 myń tonna un men 33 myń tonna astyq jóneltildi», - dedi Azat Sultanov OKQ-de onlaın ótken baspasóz máslıhatynda.

Onyń aıtýynsha, bizdiń el Aýǵanstanǵa negizinen un eksporttaıdy.

Buǵan deıin atalǵan departament basshysy elimizdegi nan baǵasyna qatysty boljam jasady.