Bıyl elge oralǵan qandastardyń 73 paıyzy ońtústik óńirlerge qonystanǵan

NUR-SULTAN. QazAqparat - Jyldyń basynan beri 4,5 myń etnıkalyq qazaq qandas mártebesin aldy, dep habarlaıdy QazAqparat.

1 mamyrdaǵy jaǵdaı boıynsha 4 502 etnıkalyq qazaq tarıhı otanymen tabysyp, qandas mártebesin aldy.

Jalpy 1991 jyldan beri respýblıkaǵa 1 mıllıon 92,4 myń etnıkalyq qazaq oraldy.

Osy jyldyń basynan bastap Qazaqstanǵa kelgen qandastardyń jartysynan kóbi (68,2%) Ózbekstannan, 9,8% – Qytaıdan, 10,4% – Túrikmenstannan, 2,6% – Mońǵolııadan jáne 9,2% basqa elderden.

Kelgen etnıkalyq qazaqtar negizinen Almaty (30,3%), Mańǵystaý (20,1%), Túrkistan (10,8%) jáne Jambyl (6,0%) oblystaryna, sondaı-aq Almaty (5,8%), Nur-Sultan (6,8%) jáne Shymkent (7,6%) qalalaryna qonystandy.

Osy jylǵy 1 mamyrdaǵy jaǵdaı boıynsha eńbekke qabiletti jastaǵy etnıkalyq qonys aýdarýshylar sany 63,1%-dy, eńbekke qabiletti jastan kishi 23%-dy jáne zeınetkerler 13,9%-dy quraıdy.

Eńbekke qabiletti jastaǵy qandastardyń ishinen bilim deńgeıi boıynsha 10,9%-y joǵary bilimdi, 40,7%-y orta kásibı bilimdi, 46,6%-y jalpy orta bilimdi jáne 1,7%-ynyń bilimi joq.