Bıyl elevatorlardyń tapshylyǵy máselesi qaıtadan týyndaýy múmkin - Qazaqstan fermerleri odaǵy
ASTANA. 13 tamyz. QazAqparat - Bıyl elevatorlardyń tapshylyǵy máselesi qaıtadan týyndaýy múmkin. Bul týraly Úkimettiń búgingi otyrysynda QR Fermerleri odaǵynyń prezıdenti Áýezhan Darınov málim etti.
«Bıyl astyq molynan jınalady. Ony bárimiz jaqsy bilemiz. Aǵymdaǵy jyly da elevatorlardyń tapshylyǵy máselesi týyndaýy múmkin. Ondaı jaǵdaı 2011 jyly bolǵan. Sol kezde biraz shyǵyndar boldy. Sondyqtan búginnen qaldyrmaı, soltústik oblystardaǵy elevatorlardan astyqty basqa aımaqtarǵa tasymaldaý jumysyn barynsha rettep, tıisti shyǵyndardy eskerip alǵan jón. Osyǵan oraı, bizge naqty sheshimderdi qabyldaý qajet», - deıdi Á.Darınov.
