Bıyl el ýnıversıtetterine 1100 sheteldik joǵary bilimdi ǵalymdar dáris berýge keledi
ASTANA. 14 tamyz. QazAqparat - Bıyl el ýnıversıtetterine 1100 sheteldik joǵary bilimdi ǵalymdar dáris berýge keledi. Bul týraly búgin Úkimette ótken selektorlyq keńeste QR Bilim jáne ǵylym mınıstri Baqytjan Jumaǵulov málim etti.
«Akademııalyq utqyrlyq sheńberinde 600 stýdent pen magıstranttyń semestr boıy álemniń 40 ýnıversıtetinde bilim alýǵa jaǵdaı jasaldy. Al jańa oqý jylynda qazaqstandyq ýnıversıtetterge sheteldik professorlardy shaqyrtý baǵdarlamasy boıynsha 1100 sheteldik ǵalymdar men oqytýshylar keletin bolady», -deıdi B. Jumaǵulov.
Budan bólek, mınıstr byltyrǵy jyly alǵash ret joǵary oqý oryndary úshin bazalyq oqýlyqtar shyǵarý baǵdarlamasy júzege asqanyn, onyń aıasynda 102 oqýlyq qazaqstandyq avtorlarmen jazylǵanyn aıtty. 2012 jyly respýblıkalyq bıýdjetten 200 mln. teńge bólinip, bul 75 joǵary oqý oryndarynyń bazalyq oqýlyqtaryn shyǵarýǵa múmkindik bergen. Memlekettik tilge 15 úzdik sheteldik oqýlyq aýdarylǵan.
