Bıyl el birligin nasıhattaǵan «Dostyq aıasynda» degen ataýmen kórkem bezendirilgen almanah jaryqqa shyǵady

Bul jóninde osy bastamany usynyp, «Jańa Qazaqstan» depýtattyq tobynan qoldaý tapqan Májilis depýtaty, Qazaqstan halqy Assambleıasynyń múshesi Lıýdmıla Hochıeva málimdedi, dep habarlaıdy QazAqparat.

Bul bastama «Jańa Qazaqstan» depýtattyq tobynyń jyldyq josparyna sáıkes júzege aspaq. «Biz osy jobany jasaýdy 1992 jyldan bastaýdy jón sanadyq. Óıtkeni 1992 jyly Almaty qalasynda Qazaqstan halyqtarynyń birinshi forýmy ótip, sol keleli basqosýda Elbasy Nursultan Nazarbaev Assambleıa qurý týraly ıdeıasyn alǵash ret jarııa etti. Sol kezeńnen bastap 2009 jyly Astanada ótken Qazaqstan halqy Assambleıasynyń XV sessııasyna deıingi aralyqta qol jetkizgen tabystarymyz jóninde baıandalady. Elbasynyń qatysýymen ótken mańyzdy jınalystarda, kezdesýlerde túsirilgen fotosýretter qamtylady. Almanahty úsh tilde shyǵarýǵa tyrysamyz. ıAǵnı, memlekettik, orys jáne aǵylshyn tilderinde bolmaq. Óıtkeni el turǵyndary da oqyp-bilýi úshin jáne Assambleıanyń tájirıbesimen jan-jaqty tanysqysy keletin sheteldik áriptesterimizge de óte tıimdi bolmaq. Bul ózi 15 jylda istelgen jumystardyń qorytyndy jınaǵy bolady. Bizdiń maqsat - qazaqstandyq úlgi bolyp otyrǵan Qazaqstan halqy Assambleıasynyń ómirsheń qyzmetin kórsetý»,- deıdi depýtat Lıýdmıla Hochıeva.

Qazir materıaldar jınaqtalý ústinde. Elimizdegi ulttyq-mádenı ortalyqtarǵa habarlasyp, qujattar men fotosýretter alynyp jatyr. Almanah bıyl tamyz aıynda jaryqqa shyǵyp qalýy tıis.