Bıyl eksporttaýshylardyń 10 mlrd teńge shyǵyny óteledi - mınıstrlik
«Ónerkásiptik saıasat týraly» Qazaqstan Respýblıkasynyń Zańy aıasynda QazTrade Úkimet qaýlysymen eksport boıynsha shyǵyndardy óteıtin Biryńǵaı operator bolyp aıqyndaldy. 2022 jyl ishinde 8,8 mlrd teńge somasyna shyǵyndar óteldi. Ósim 2021 jylmen salystyrǵanda 47 paıyzdy qurady. 212 eksporttaýshyǵa qoldaý sharasy kórsetildi. Bir jyl ishinde otandyq kásiporyndardyń 486 ótinimi óńdeldi. 2021 jylmen salystyrǵanda ótinish berýshilerdiń sany 31 paıyzǵa artty», - dedi ol Ortalyq kommýnıkatsııalar qyzmetindegi baspasóz máslıhatynda.
Onyń dereginshe, ótken jyly eksporttyq shyǵyndardy óteýdi negizinen shaǵyn bıznes kásiporyndary aldy. Olardyń úlesi shamamen 48 paıyzdy qurady. Bul - azyq-túlik óndirisi jáne kóterme saýda salalarynda jumys isteıtin kásiporyndar.
«Atalǵan qoldaý is-sharalaryn kórsetý nátıjesinde eksport geografııasy úsh elge artqanyn atap ótken jó. Olar – Kıpr, Frantsııa jáne Japonııa. Shyǵyndaryn óteý júzege asyrylatyn taýarlar tizilimi 53 pozıtsııaǵa artty. 2023 jylǵa arnalǵan josparymyz munan da joǵary. Atalǵan qoldaý is-sharasyn alýǵa ótinimder qabyldaý 21 sáýirden beri júrgizilip jatyr. Ol 3 aıǵa sozylyp, 21 shildege deıin jalǵasady. 2023 jyldyń sońyna deıin shamamen 10 mlrd teńge somasyna ótinimderdi maquldaý josparlanyp otyr. Bul atalǵan qoldaý is-sharasyn paıdalanǵan kásiporyndardyń sanyn 300-ge deıin jetkizýge múmkindik beredi», - dedi vıtse-mınıstr.
