Bıyl egis jumystary kezinde qurǵaqshylyq bolýy múmkin – AShM
«Búgingi Úkimet otyrysynda QR Aýyl sharýashylyǵy mınıstri atap ótkendeı, kóktemgi egis jumystaryna jalpy 116,8 mlrd teńge bólindi. Onyń ishinde «Agrarlyq nesıe korporatsııasy» boıynsha 70 mlrd teńge, «Aýyl sharýashylyǵyn qarjylaı qoldaý qory» tarapynan 1,8 mlrd. teńge qarastyrylǵan», - deıdi QR AShM Ósimdik sharýashylyǵy ónimderin óndirý jáne qaıta óńdeý departamenti melıoratsııa basqarmasynyń basshysy Medet Jádigeruly.
Onyń aıtýynsha, bıyl egis jumystary kezinde sý az bolýy múmkin.
«Osyǵan baılanysty qaýiptiń aldyn alý maqsatynda bıyl aqpan aıynda Ekologııa mınıstrliginiń bastaýymen oblys ákimdikteri Aýyl sharýashylyǵy mınıstrligi, sý sharýashylyǵy uıymdary jáne aýyl sharýashylyǵy taýar óndirýshileriniń qatysýymen Ońtústik óńirde birqatar jınalys ótkizildi. Osy jınalystardyń qorytyndysy boıynsha sý sharýashylyǵy uıymdaryna bıylǵy sýarý kezeńine daıyndyq úshin sýarý júıelerin mamyr aıyna deıingi ýaqytta aıaqtaý tapsyryldy. Sýarý, sý berýdi qatań túrde saqtaýdy jáne aýyl sharýashylyǵy taýar óndirýshilerine sýdy kóp talap etetin daqyldardy qysqartý boıynsha usynymdar berildi. Sonymen qatar, qazirgi kezde Ekologııa mınıstrligi tarapynan sý qoımalaryna sý jınaý jumysy jalǵasyp jatyr», - deıdi ol.
