Bıyl egis alqaby qansha gektardy quramaq
«Aldyn ala derekter boıynsha, 2018 jyly egis alqaptary 21,8 mln gektardy quramaq. Bul is júzinde ótken jylǵy deńgeıde. Dándi daqyldardy 14,7 mln gektar alqapqa sebý josparlanýda, onyń ishinde bıdaı - 11,4 mln gektar. Bul 2017 jyldyń deńgeıinen 544 myń gektarǵa az. Osy rette mal sharýashylyǵynyń ósip kele jatqan qajettilikterin qamtamasyz etý úshin azyqtyq daqyldar osy kólemge kóbeıetin bolady, ıaǵnı 2017 jylǵa qaraǵanda 16 paıyzǵa artady. Jemdik daqyldar 2,5 mln gektarǵa egiledi», - dedi ol.
Vıtse-mınıstrdiń dereginshe, maıly daqyldar birinshi ret 2,5 mln gektar mejeden asyp shamamen 2,6 mln gektardy quraıdy. Kartopqa arnalǵan alqap ta oń ósý dınamıkasyn kórsetip, 210 myń gektarǵa jetedi. Bul ótken jyldyń deńgeıinen 15 paıyzǵa artyq.
Aǵymdaǵy jylǵy egiske 2,6 mln tonna tuqym daıyndaldy. Maıly daqyldar tuqymynyń tómengi paıyzdyq daıyndyǵy Shyǵys Qazaqstan oblysynda baıqalady. Oblystardyń ákimdikteri aıyrbastaý nemese erkin naryqtan satyp alý arqyly jetispeıtin kólemdi jabý kózderin izdestirýi qajet», - dedi birinshi vıtse-mınıstr.
Onyń sózine qaraǵanda, qazirgi kezde aýyl sharýashylyǵy taýaryn óndirýshilerdiń negizgi bóligi aınalym qarajaty bolmaǵandyqtan sebý úshin tuqym satyp almaıdy jáne is júzinde jalpy reprodýktsııadaǵy ózderiniń tuqymdaryn paıdalanady.
«Osyǵan baılanysty tuqym sharýashylyǵyn sýbsıdııalaýdyń múldem jańa tetigi ázirlendi. Jańa tetik 5 naýryzda QR Premer-Mınıstriniń orynbasary - Aýyl sharýashylyǵy mınıstri Ómirzaq Shókeevtiń tóraǵalyǵymen beıne-konferentsııa rejiminde barlyq múddeli taraptardyń jáne bıznes ókilderiniń qatysýymen ótken keńeste jete talqylandy. Keńeske qatysýshylar jańa tetikti jalpy qoldady. Bul tetikti iske asyrý 2021 jylǵa qaraı 3-reprodýktsııadan tómen emes tuqymdar sebýdi 100 paıyzǵa qamtamasyz etýge múmkindik beredi», - dedi Arman Evnıev.