Bıyl egin jınaý naýqany aıasynda dıqandarǵa 1500-den astam tehnıka tabys etildi - QazAgroQarjy
ASTANA. QazAqparat - 2015 jylǵy egin jınaýnaýqanyn qarjylandyrý sheńberinde «QazAgroQarjy» AQ jalpy somasy 27,4 mlrd. astam teńgege 1 966 birlik tehnıka satyp alýǵa ótinim qabyldady. Ótinimderdiń negizinde qarjy lızıngi sharttary jasalyp, agrarshylarǵa somasy 19,5 mlrd. astam teńgege1545 birlik aýyl sharýashylyǵy tehnıkasy tabys etildi. Bul týraly kompanııanyń baspasóz qyzmetinen habarlandy.
«Agroónerkásip ókilderi kóbinese kombaın satyp alýdy qajetsinedi. Jalpy tabystalǵan tehnıka sanynyń 500 birligi tehnıkanyń osy túrin qurap otyr.. Qazaqstandyq dıqandardyń basym bóligi otandyq qurastyrý óndirisiniń VECTOR, NIVA KZ, ESSIL sııaqty kombaındaryn, sondaı-aq Reseı Federatsııasynan, Belarýs Respýblıkasynan, AQShtan jáne Eýropadan ákelinetin tehnıkalardy tańdaıdy», delingen baspasóz baıanynda.
Kombaındardan basqa, qazaqstandyq qurastyrý óndirisiniń traktorlaryn, astyq keptirgishter, destelegishter, shóp shabatyn mashınalar, deste jınaǵyshtar men ózge de qosymsha tehnıkalar satyp alýǵa tapsyrylǵan ótinimderdiń sany jyl saıyn kóbeıip kele jatqany baıqalady.
«Tutas alǵanda, statıstıkaǵa sáıkes, egis dalasynda jumys istep jatqan tehnıkalardyń kópshilik úlesi elimizge «QazAgroQarjy» AQ arqyly jetkizilgen dep aıtýǵa bolady. Búgingi tańda kompanııa lızıngke tehnıka alý úshin anaǵurlym utymdy sharttardy usynady. Bul baǵdarlama boıynsha sharttar 10% mólsherindegi avanstyq tólemniń merzimin 2015 jylǵy 15 qarashaǵa deıin uzarta otyryp, 7 jylǵa deıin nesıelendirý merzimin kózdeıdi. Aýa-raıy jaǵdaılarynyń yqtımal kedergilerin eskere kelip, osyǵan uqsas sharttar lızıngke dán tazartqysh jáne dán keptirgish jabdyqtaryn satyp alý úshin de kózdelgen», delingen baspasóz baıanynda.
Budan bólek, ótken jyldar ishinde «QazAgroQarjy» AQ jalpy somasy 336,4 mlrd. teńgege 33,7 myń birlikten astam aýyl sharýashylyǵy jáne arnaýly tehnıkalar satyp alýdy qarjylandyrǵan. Atalmysh is-shara Qazaqstan Respýblıkasynyń aýyl sharýashylyq mashına-traktor parkin jańartý boıynsha «Agrobıznes-2020» salalyq baǵdarlamasy sheńberinde júzege asyrylady. 2015 jyly tehnıka satyp alýǵa 32 mlrd. teńge, sonyń ishinde, kóktemgi-dala jumystaryna -10,5 mlrd.teńgejáneeginjınaýjumystaryna -18 mlrd.teńge bólingen.
