Bıyl dzıýdodan qandaı sporttyq sharalar ótedi
NUR-SULTAN. QazAqparat – Dzıýdodan 2020 jyly ótetin Qazaqstan Respýblıkasynyń chempıonattary qaı ýaqytta, qaı jerde ótetini belgili boldy, dep habarlaıdy QazAqparat.
QR Dzıýdo federatsııasy habarlaǵandaı, 2020 jyly kúntizbe boıynsha dzıýdodan barlyǵy 6 el birinshiligi ótpek.
Naqtylap atap ótsek, 2003-2004 jyldary týǵan jasóspirimder arasyndaǵy Qazaqstan chempıonaty 6-11 aqpan kúnderiń Qostanaı qalasynda, ótse, 2000-2002 jyldary týǵan jastar arasyndaǵy Qazaqstan Chempıonaty 4-9 naýryz kúnderi Taraz qalasynda ótedi.
Al 23 jasqa deıingi erler men áıelder (ótpeli) arasyndaǵy Qazaqstan Respýblıkasynyń ashyq Chempıonaty 27-30 naýryz kúnderi Nur-Sultan qalasynda ótpek.
2004-2005 jyldary týǵan sport-ınternat oqýshylary arasyndaǵy Qazaqstan Chempıonaty 1-6 mamyr kúnderi Oral qalasynda ótse, 2005-2006 jyldary týǵan jasóspirimder arasyndaǵy Qazaqstan Chempıonaty 17-20 maýsym kúnderi Túrkistan oblysy, Shardara qalasynda ótedi.
Sonymen qatar, erler men áıelder arasyndaǵy Qazaqstan Respýblıkasynyń Chempıonaty 3-8 qarasha kúnderi Atyraý qalasynda ótetin bolyp belgilendi.
