Bıyl «Dostyq úılerin damytý» tujyrymdamasy bekitiledi - A.Muhamedıuly

ASTANA. QazAqparat - Elimizdiń óńirlerindegi Dostyq úıleri bazasynda Assambleıa jumysyn qamtamasyz etetin mekemeler qurylady. Bul týraly búgin QR Úkimet otyrysynyń qorytyndysy boıynsha Ortalyq kommýnıkatsııalar qyzmetindegi brıfıngte Mádenıet mınıstri Arystanbek Muhamedıuly málim etti.

«Qazirgi kezde elimizde on Dostyq úıleri jumys isteýde, onyń toǵyzy óńirlik jáne bireýi - respýblıkalyq . Elbasynyń tapsyrmasyna sáıkes alty óńirde, ıaǵnı Astanada qalasynda jáne Atyraý, Batys Qazaqstan, Qaraǵandy, Qyzylorda, Mańǵystaý oblystarynda Dostyq úıleriniń arnaıy ǵımarattarynyń qurylysy boıynsha jumystar júrýde. Bıylǵy jyly «Dostyq úılerin damytý» tujyrymdamasy bekitiledi»,- dedi mınıstr.

Onyń sózine qaraǵanda, Almatydaǵy respýblıkalyq «Dostyq úıi» bazasynda Qazaqstan halqy Assambleıasy qyzmetin qamtamasyz etý boıynsha memlekettik mekemesi qurylady. Osy tektes ustanymmen kishi assambleıalar jumysyn qamtamasyz etetin óńirlik mekemeler qurylatyn bolady.