Bıyl da Uly Otan soǵysy ardagerlerine 30 myń teńge kóleminde birjolǵy materıaldyq kómek beriletin bolady
ALMATY. 4 mamyr. QazAqparat /Názıra Eleýhan/ - Búgin Almaty qalalyq jumyspen qamtý jáne áleýmettik baǵdarlamalar basqarmasy men baqylaý jáne áleýmettik qorǵaý departamenti Uly Otan soǵysy ardagerleri men eńbek ardagerlerine qurmet kórsetti.
Arnaıy shaqyrylǵan ardagerlerge syı-syıapat kórsetilip, kontsert uıymdastyryldy. Atalmysh sharanyń uıymdastyrýshylary olardy kele jatqan Uly Jeńis merekesimen quttyqtap, júrekjardy tilekterin bildirdi. Sharaǵa 80-nen asa Uly Otan soǵysy ardagerleri men eńbek ardagerleri qatysty.
Almaty qalalyq jumyspen qamtý basqarmasy ókilderiniń aıtýynsha, Almatyda 1913 soǵysqa qatysýshylar bar, al 21 721-i eńbek maıdanynyń ardagerleri.
Uly Jeńis merekesi qarsańynda ardagerlerdi ulyqtaýǵa arnalǵan merekelik sharalar josparlanýda jáne materıaldyq kómek kórsetý de kózdelgen. Bıyl Almaty qalasy máslıhatynyń sheshimine sáıkes (№ 423. 2011 jyldyń 29 sáýirinen) Uly Otan soǵysy ardagerlerine 30 myń teńge kóleminde birjolǵy materıaldyq kómek beriletin bolady. Barlyǵy osy maqsatqa 57 390 000 teńge bólingen.
