Bıyl bıýdjetten sý tasqynyna qatysty eshqandaı shyǵyn bolǵan joq – Sergeı Gromov

NUR-SULTAN. QazAqparat – Elimizde sý tasqyny bolatyn kezeń aıaqtaldy. Bul týraly QR Ekologııa, geologııa jáne tabıǵı resýrstar vıtse-mınıstri Sergeı Gromov QR Jemqorlyqqa qarsy is-qımyl qyzmetiniń saıtynda ótken onlaın suhbatta aıtty, dep habarlaıdy QazAqparat tilshisi.

«Buryn jer telimderi zańsyz berilgen. Buryn da, qazir de sý mańyna jaqyn jerge qurylys salýǵa tyrysatyndar kóp. Bulaı etýge bolmaıtynyn aıtqym keledi. Tabıǵat, sý árdaıym óz degenin isteıdi. Mysaly, ózen arnasyn birneshe shaqyrym qashyqtyqqa buryp tastady delik, al 50-100 jyldan keıin ol óz arnasyn taýyp almaıtynyna kepildik joq», - deıdi QR Ekologııa, geologııa jáne tabıǵı resýrstar vıtse-mınıstri.

Ol sý mańyna úıler men saıajaı salýǵa bolmaıtynyn aıtty.

«Almatydan bastap Oralǵa deıin barlyq óńir úı, saıajaıdy sý mańyna salady. Sosyn saıajaıdy sý basady. Mundaı jaǵdaıda bir ǵana sheshim – sý mańynda turatyndardy basqa aýylǵa kóshirý kerek nemese sýdy dambymen qorshaý kerek. Jalpy alǵanda sý tasqyny bolatyn kezeń aıaqtaldy. Sý basqan saıajaılarda eshkim zardap shekpedi. Ázirge memleket bıýdjetinen sý tasqynyna qatysty eshqandaı shyǵyn bolǵan joq», - deıdi Sergeı Gromov.