Bıyl bıýdjetke 10,2 trln teńge túsedi – mınıstr
Senatta Ulttyq qordan 2022-2024 jyldarǵa arnalǵan kepildendirilgen transfert týraly zańǵa engizilgen ózgerister týraly zań jobasy qaralyp jatyr.
«Túzetilgen makroekonomıkalyq boljam negizinde bıýdjet kiristeri boıynsha aldyn ala boljam naqtylandy. Respýblıkalyq bıýdjet kirisi 2022 jyly 10,2 trln teńge kóleminde baǵalanady, bul bekitilgen jospardan 955 mlrd teńgege joǵary. Ulttyq qordan kepildendirilgen transferttiń mólsheri 4 030 mlrd teńgege deıin nemese 1 630 mlrd teńgege ulǵaıtylady. Qarajat Memleket basshysy qoıǵan mindetterdi iske asyrýǵa baǵyttalatyn bolady», - dedi Álibek Qýantyrov Senat otyrysynda.
Onyń aıtýynsha, 2022 jyly bıýdjet tapshylyǵyn 2 978 mlrd teńge nemese jalpy ishki ónimge qatysty 3,3% deńgeıinde aıqyndaý usynylady.
Respýblıkalyq bıýdjettiń shyǵystaryn túzetilgen kólemge qatysty 2,7 trln teńgege ulǵaıta otyryp, 18,8 trln teńge kóleminde aıqyndaý usynylyp otyr.
«Qorytyndylaı kele, 2022-2026 jyldarǵa arnalǵan áleýmettik-ekonomıkalyq damý boljamy sheńberinde 2022 jylǵa arnalǵan makrokórsetkishter men bıýdjettik parametrlerdiń boljamyn naqtylaý, birinshi kezekte Memleket basshysynyń tapsyrmalary men qabyldanyp jatqan shuǵyl jáne júıelik sıpattaǵy qujattardyń negizgi baǵyttaryn iske asyrýǵa baǵyttalǵan», - dedi Á. Qýantyrov.
Buǵan deıin mınıstr munaıdyń ortasha jyldyq baǵasy barreline 90 AQSh dollar deńgeıinde aıqyndalǵanyn, osyny eskere otyryp, el ekonomıkasynyń ósý boljamy 3,9%-dan 2,1%-ǵa deıin tómendegenin aıtqan edi.
