Bıyl Bulandy aýdanynda 95 pəterli turǵyn úı paıdalanýǵa beriledi
KÓKShETAÝ. QazAqparat - Aqmola oblysynyń Bulandy aýdanynda kóppəterli eki jańa turǵyn úı paıdalanýǵa beriledi, dep habarlaıdy QazAqparat tilshisi.
Óńirlik kommýnıkatsııalar qyzmetiniń málimeti boıynsha, aýdanda «Nurly jer» baǵdarlamasy aıasynda 40 jəne 45 pəterli eki turǵyn úıdiń qurylysy júrgizilýde. Nysandardyń ekeýin de aǵymdaǵy jyldyń ekinshi jartyjyldyǵynda paıdalanýǵa berý josparlanyp otyr.
«Sonymen qatar, taǵy 4 turǵyn úıdiń qurylysyn bastaý josparlanǵan. Onyń ishinde eki 60 pəterli turǵyn úı Makınsk qalasynda qolǵa alynsa, bir 40 pəterli turǵyn úı Kamennyı karer kentinde, bir 45 pəterli turǵyn «Qazaqstannyń turǵyn úı qurylys jınaq banki» AQ qatysýymen «Makınsk qus fabrıkasy» JShS jumysshylary úshin salynatyn bolady», - deıdi vedomstvo.
