Bıyl «Bolashaq» baǵdarlamasy boıynsha 555 stıpendııa taǵaıyndalady
ASTANA. QazAqparat - 2019 jyly «Bolashaq» halyqaralyq stıpendııasynyń aıasynda magıstratýra men doktorantýra baǵdarlamalary boıynsha 555 stıpendııa bekitilgen. Bul týraly QazAqparat ortalyqtyń saıtyna silteme jasap habarlaıdy.
2019 jylǵa «Bolashaq» halyqaralyq stıpendııasyn taǵaıyndaý konkýrsy jeńimpazdarynyń oqýy, tildik kýrstardan ótýi úshin usynylatyn sheteldik jetekshi joǵary oqý oryndarynyń, sheteldik uıymdardyń tiziminiń jáne baǵdarlama aıasynda shetelde oqýǵa arnalǵan mándes mamandyqtar tizbesiniń jobalary talqylanýda.
2019 jyly «Bolashaq» halyqaralyq stıpendııasyn taǵaıyndaý konkýrsyna qatysý úshin úmitkerlerden qujattar qabyldaýdyń jáne osy konkýrsty ótkizýdiń aldyn ala merzimderi belgilengen:
- qujattardy qabyldaý - 2019 jylǵy 18 aqpan men 31 tamyz aralyǵy;
- konkýrsty ótkizý - 2019 jylǵy 01 naýryz ben 29 qarasha aralyǵy;
2019 jyly «Bolashaq» halyqaralyq stıpendııasynyń aıasynda magıstratýra men doktorantýra baǵdarlamalary boıynsha bilim alý úshin jáne taǵylymdamadan ótý úshin 555 stıpendııa bekitilgen.
