Bıyl bokstan Qazaqstan chempıonatynda qandaı jańa esimder shyqty?
ASTANA. QazAqparat - Búgin Shymkentte bokstan el birinshiligi óz máresine jetti. On kúnge sozylǵan baıraqty dodada chempıondar men júldegerler anyqtaldy. Olardyń arasynda osy ýaqytqa deıin esimi belgisiz bolyp kelgen, jańadan tanylǵan sportshylar da bar. Búgin QazAqparat tilshisi osy dúbirli dodada top jarǵan jańa esimder týraly málimetterdi jarııalamaq.
49 kg salmaqta aqmolalyq Temirtas Júsipov top jardy. T.Júsipov 2013, 2014 jáne 2016 jyly da el chempıony bolǵan. Osy joly 4 dúrkin Qazaqstan chempıony degen ataqqa qol jetkizdi.
49 keli salmaqtyń jeńimpazdary men júldegerleri:
Altyn: Temirtas Júsipov (Aqmola obl.)
Kúmis júlde: Shalqar Aıqynbaı (OQO)
Qola júldegerler: Sabyr Jolaýshıev (Pavlodar obl.) jáne Jandos Nesipjan (Aqmola obl.)
52 keli salmaqta jańa chempıonnyń esimi belgili boldy. Bul salmaqta bıyl Ońtústik Qazaqstannan Oljas Baınııazov top jardy. Ótken jyly bul salmaqtyń kóshin Azamat Isaqulov bastaǵan bolatyn.
52 keli salmaqtyń chempıondary men júldegerleri:
Altyn: Oljas Baınııazov (OQO)
Kúmis júlde: Azamat Isaqulov (Mańǵystaý obl.)
Qola júldegerler: Ánýar Mýzapparov ((Almaty obl.) jáne Abaı Qýandyqov (Aqtóbe obl.)
56 keli salmaqta astanalyq Іlııas Súleımenov top jardy. Bul salmaqta ol 2012 jyly chempıon atanǵan bolatyn. Osymen ekinshi márte chempıon atanyp otyr.
56 keli salmaqtyń chempıondary men júldegerleri:
Altyn: Іlııas Súleımenov (Astana)
Kúmis júlde: Janbolat Qydyrbaev (Jambyl obl.)
Qola júldegerler: Nursultan Kósheǵulov (Aqmola obl.) jáne Nurbol Qaljanov (Mańǵystaý obl.)
60 keli salmaqta bıyl mańǵystaýlyq Berik Ábdirahmanov top jardy. Ótken jyly bul salmaqta Zakır Safıýllın kósh bastaǵan bolatyn. Ábdirahmanov 2012 jyly osy salmaqta chempıon atanǵan. Endi ol QR eki márte chempıony.
60 keli salmaqtyń jeńimpazdary men júldegerleri:
Altyn: Berik Ábdirahmanov (Mańǵystaý obl.)
Kúmis júlde: Zakır Safıýllın (OQO)
Qola júldegerler: Ertýǵan Zenýlınov (Almaty obl.) jáne Ádilet Qurmetov (ShQO)
64 keli salmaqta Ońtústik Qazaqstan oblysynyń boksshysy Bekdáýlet Ibragımov chempıon atandy. Ótken jyly da Ibragımov top jarǵan bolatyn. Bıyl da sol bıiginen kórine bildi.
64 keli salmaqtyń jeńimpazdary men júldegerleri:
Altyn: Bekdáýlet Ibragımov (OQO)
Kúmis júlde: Sabyrjan Bekbergenov (Aqmola obl.)
Qola júldegerler: Qýan Qýatov (Pavlodar obl.) jáne Sanatáli Tóltaev (Almaty q.)
Qazaqtyń salmaǵy atanyp ketken 69 kelide bıyl jańa esim jarq etti. Bul salmaqta jambyldyq Aslanbek Shymbergenov bıikten kórine bildi. Sondaı-aq, ol el birinshiligindegi eń úzdik judyryqtasqan boksshy ataǵyna ıe boldy. Ótken jyly bul salmaqta Abylaıhan Júsipov top jarǵan bolatyn. Ol bıyl osydan eki aı buryn germanııada ótken álem chempıonatynda júldeger bolǵany úshin el birinshiliginen bosatylǵan.
69 keli salmaqtyń jeńimpazdary men júldegerleri:
Altyn: Aslanbek Shymbergenov (Jambyl obl.)
Kúmis júlde: Qanaǵat Maralov (Astana)
Qola júldegerler: Bekbolat Quramysov (Almaty obl.) jáne Rýstam Shaımerdenov (Qaraǵandy obl.)
75 keli salmaqtan da jańa chempıon shyqty. Ol Ońtústik Qazaqstannyń týmasy Abaı Tólesh. Bul salmaqta ótken jyly Ábilhan Amanqul erekshelengen. Amanqul da bıylǵy chempıonattan bosatylǵan bolatyn.
75 keli salmaqtyń jeńimpazdary men júldegerleri:
Altyn: Abaı Tólesh (OQO)
Kúmis júlde: Erik Áljanov (Mańǵystaý obl.)
Qola júldegerler: Saparbaı Aıdarov (Almaty q.) jáne Vladıslav Stolbovskı (Qaraǵandy obl.)
81 keli salmaqta Olımpıadanyń eki dúrkin kúmis júldegeri mańǵystaýlyq Ádilbek Nııazymbetov chempıon atandy. Nııazymbetovtyń qarsylasy fınalda jaraqatyna baılanysty rıngke shyqqan joq. Ótken jyly bul salmaqta Jánibek Álimhanuly kósh bastaǵan bolatyn. Ókinishke qaraı ol bıyl shırek fınaldan ary asa almady.
81 keliniń jeńimpazdary men júldegerleri:
Altyn: Ádilbek Nııazymbetov (Mańǵystaý obl.)
Kúmis júlde: Bekzat Nurdáýletov (Mańǵystaý obl.)
Qola júldegerler: Bek Nurmaǵanbet (OQO) jáne Mıhaıl Kohanchık (Qostanaı obl.)
91 keli salmaqta qostanaılyq boksshy Anton Pınchýktiń mereıi ústem boldy. Ol ótken jyly jáne 2012-2013 jyldary da el chempıony atanǵan bolatyn. Bıyl tórtinshi márte el birinshiliginde kósh bastap otyr.
91 keli salmaqtyń jeńimpazdary men júldegerleri:
Altyn: Anton Pınchýk (Qostanaı obl.)
Kúmis júlde: Nurbol Altaev (Atyraý oblysy)
Qola júldegerler: Abzal Quttybekov (OQO) jáne Muhamedjan Erkin (OQO)
Bıyl asa aýyr salmaqta da jańa chempıon paıda boldy. Ol Jambyl oblysynyń boksshysy Nursultan Amanjolov. Ótken jyly bul salmaqta Oljas Buqaev úzdik atanǵan bolatyn.
+91 keli salmaqtyń jeńimpazy men júldegerleri:
Altyn: Nursultan Amanjolov (Jambyl oblysy)
Kúmis júlde: Oljas Buqaev (Pavlodar oblysy)
Qola júldegerler: Nurbolat Sermahanov (Astana q.) jáne Aıboldy Daýrenuly (Mańǵystaý obl.)
Osylaısha el birinshiligi de óz máresine jetti. Jalpykomandalyq esepte 3 altyn, 2 kúmis, 3 qola medal jeńip alǵan OQO boksshylary birinshi orynǵa ıe bolsa, ekinshi oryn 2 altyn 3 kúmis 2 qola jeńip alǵan mańǵystaýlyq boksshylardyń úlesinde. Úzdik úshtikti 2 altyn 1 kúmis ıelengen jambyldyq tuıyqtady.
