Bıyl bokstan eresekter arasyndaǵy Qazaqstan birinshiligi Taraz qalasynda ótedi
ALMATY. QazAqparat - Bıyl bokstan eresektar arasyndaǵy Qazaqstan birinshiligi 25 qarasha men 3 jeltoqsan aralyǵynda Taraz qalasynda ótedi. Bul týraly búgin Qazaqstannyń boks federatsııasynyń baspasóz qyzmetinen habarlady.
Búgin Qazaqstan boks federatsııasynyń vıtse-prezıdenti Danııar Abylǵazınniń tóraǵalyǵymen federatsııanyń atqarýshy komıtetiniń bıýro otyrysy ótken bolatyn.
«Onda bıýro músheleri oblystyq federatsııalardyń bıylǵy chempıonatty ótkizýge qatysty ótinimderin qarap jáne Almaty men Jambyl oblystarynyń boks federatsııalarynyń el chempıonatyn ótkizýge qatysty jobalarymen tanysyp, kópshilik daýyspen bokstan eresekter arasyndaǵy 2014 jylǵy el birinshiligin Taraz qalasynda ótkizý týraly sheshim qabyldady», delingen habarlamada.
Talqylaý barysynda otyrysqa qatysýshylar bokstan Qazaqstan birinshiligin Taraz qalasynda ótkizý - jergilikti aımaqta bokstyń damýyna jańa serpin beretindigin jetkizdi. Sonymen qatar Almaty oblysynda aımaqtyq federatsııanyń arqasynda bokstyń qarqyndy damyp jatqandyǵy da erekshe atalyp ótildi.
