Bıyl BQO-da mektep muǵalimderiniń tapshylyǵy joıylady

ASTANA. QazAqparat - Bıyl Batys Qazaqstan oblysynda mektep muǵalimderiniń tapshylyǵy joıylady. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte Batys Qazaqstan oblysynyń ákimi Nurlan Noǵaev málim etti.

«Qazirgi tańda oblysta bilim salasyndaǵy mamandardyń tapshylyǵy 11 adamdy quraıdy. Olar: bastaýysh mektepterdegi muǵalimder, fızıka jáne matematıka pánderiniń muǵalimderi. Muny biz 2016 jyly oblysymyzdaǵy orta arnaýly maman daıyndaıtyn mekemelerdiń, kolledjderdiń, joǵary oqý oryndarynyń mamandaryn, sonymen birge basqa da oblystardaǵy atalǵan mamandyqtardy daıyndaıtyn joǵary oqý oryndarynyń túlekterin tarta otyryp tolyǵymen sheshemiz», - dedi N.Noǵaev.
Ákim óz sózinde oblysta jumyspen qamtý jospary jasaqtalǵanyna da toqtaldy. Atalǵan keshendi josparmen 13 myń adamdy qamtý kerek bolsa, qazirgi ýaqytta jyldyń qorytyndysyna sáıkes 19 adam qamtylǵan. Buǵan qosa, ótken jyly 8931 jańa jumys orny ashylyp, oǵan on myńnan astam adam jumysqa ornalasqan. «Álemde bolyp jatqan jaǵdaıdy eskere otyryp, oblystaǵy iri mekemelermen, shaǵyn jáne orta kásipkerlik sýbektilerimen memorandýmdarǵa qol da qoıyldy. Qazirgi tańda 4369 memorandým jasalyp, 45 myń adam qamtyldy», - dedi ol.