Bıyl birinshi jarty jyldyqta 72 óndiris qosylady
ASTANA. Sáýirdiń 20-sy. QazAqparat /Ernur Aqanbaı/ - Aǵymdaǵy jyldyń birinshi jarty jyldyǵynda jalpy somasy 396 mlrd. teńgeni quraıtyn 72 ınvestıtsııalyq joba iske qosylatyn bolady.
Bul týraly búgin Úkimet otyrysynda Premer-Mınıstrdiń orynbasary-Indýstrııa jáne jańa tehnologııalar mınıstri Áset Isekeshev málim etti, dep habarlaıdy QazAqparat.
«Qabyldanyp jatqan sharalardan bólek, óndiris ósimin odan ári ulǵaıtýǵa respýblıkalyq jáne óńirlik ındýstrııalyq karta aıasynda iske qosylatyn ınvestıtsııalyq jobalar yqpal etetin bolady. Aǵymdaǵy jyldyń birinshi jarty jyldyǵynda 2010 jyly paıdalanýǵa beriletin 144 ınvestıtsııalyq jobanyń jalpy somasy 396 mlrd. teńgeni bolatyn 72-si iske qosylatyn bolady», dedi Á. Isekeshev.
Onyń sózine qaraǵanda, 2010 jylǵy sáýirdiń 1-gi jaǵdaı boıynsha ıgerilgen ınvestıtsııalardyń kólemi 321 mlrd. teńgeni nemese 81 paıyzdy qurady.
