Bıyl birinshi toqsanda temirjolmen tasymaldanǵan júk kólemi 2,1 paıyzǵa artty

NUR-SULTAN. QazAqparat - 2020 jylǵy qańtar-naýryz aılarynda elimizde temirjol kóligimen 96,9 mln tonna júk tasymaldandy. Bul ótken jyldyń sáıkes kezeńimen salystyrǵanda 2,1 paıyzǵa artyq, dep habarlaıdy QazAqparat.

«Jalpy alǵanda, 2020 jylǵy qańtar-naýryz aılarynda tranzıttik tasymaldardyń jalpy kólemi 4,8 mln tonnany qurady, bul ótken jylǵy sáıkes kezeńmen salystyrǵanda 1 mln tonnaǵa nemese 26 paıyzǵa joǵary. Sondaı-aq 2020 jylǵy birinshi toqsanda konteınerlik tasymaldardyń jalpy kólemi 149,30 myń jıyrma fýttyq ekvıvalentti qurady. Bul 2019 jylǵy qańtar-naýryzdaǵy kórsetkishten 7 paıyzǵa joǵary», - delingen QR IIDM málimetinde.

Qytaı-Eýropa-Qytaı baǵytynda konteınerler tasymaldaý kólemi 76,3 myń jıyrma fýttyq ekvıvaletti qurady, bul ótken jylǵy kórsetkishten 11 paıyzǵa kóp.Al jolaýshylar tasymaly kórsetkishi bul kezeńde 8 paıyzǵa tómendep, 4,8 mln adamdy qamtydy.