Bıyl Beıbarys sultannyń 800 jyldyǵy atalyp ótedi - Úkimet

ASTANA. QazAqparat - QR Premer-Mınıstriniń orynbasary Altaı Kólginov bıylǵy ataýly datalar jaıynda aıtty, dep habarlaıdy QazAqparat tilshisi.

«Byltyr ǵulama ǵalym, Alash qaıratkeri Ahmet Baıtursynulynyń 150 jyldyǵy, zańǵar jazýshymyz Muhtar Áýezovtiń 125 jyldyǵy memlekettik deńgeıde atalyp ótti. Osy dástúrdi jalǵastyra otyryp, 2023 jylǵy ataýly datalardy joǵary deńgeıde uıymdastyrýymyz qajet», - dedi A. Kólginov Mádenıet mınıstrliginiń alqa májilisinde.

Osy oraıda ol bıylǵy ataýly datalar jaıynda atap ótti.

«Bıyl dańqty babamyz, Uly Qolbasshysy Beıbarys sultannyń 800 jyldyǵyn, kórnekti memleket qaıratkeri, óner salasynyń damýyna ólsheýsiz úles qosqan Temirbek Júrgenovtyń 125 jyldyǵyn atap ótemiz», - dedi Úkimet basshysynyń orynbasary.

Aıta keteıik, senator Nurtóre Júsip osyǵan deıin Úkimetti Beıbarys sultannyń 800 jyldyǵyn joǵary mazmundy deńgeıde ótkizýge shaqyrǵan bolatyn.

Ashyq kózderden alynǵan foto