Bıyl bes aıda 140 mlrd teńgege aýyl sharýashylyǵy tehnıkasy satyp alyndy
«Jalpy, aýyl sharýashylyǵy tehnıkasyn satyp alý deńgeıi oń dınamıkany kórsetip otyrǵanyn atap ótkim keledi. Tutastaı alǵanda, respýblıka boıynsha 2021 jylǵy bes aı ishinde 140 mlrd teńgege jýyq somaǵa 8 700 tehnıka satyp alyndy. Bul Memleket basshysynyń eńbek ónimdiligin 2,5 esege ulǵaıtý jónindegi tapsyrmasyn oryndaýǵa yqpal etedi», - dedi A. Saparov Ortalyq kommýnıkatsııalar qyzmetinde.
Osy oraıda ol jyl sońyna qaraı tehnıkany satyp alý boıynsha atalǵan somany 240 mlrd teńgege jetkizý josparlanyp otyrǵanyn atap ótti.
«Sondaı-aq, kóktemgi egis jumystaryn qarjylandyrýdyń aıaqtalǵanyn atap ótkim keledi. Tutastaı alǵanda bizdiń qarjy ınstıtýttarynan 128 mlrd teńge bólindi», - dedi birinshi vıtse-mınıstr.
Budan buryn habarlanǵandaı, oblys ákimdikteriniń derekteri boıynsha bıyldyń egis naýqanyn 3 maýsymǵa deıin aıaqtaý josparlanyp otyr.
Sharýalar tuqymdyq materıalmen tolyq qamtylǵan. Tekserilgen tuqymdardyń 90 paıyzy birinshi, ekinshi egistik standartyna saı keledi.