Bıyl bazarlarmen jáne jeke kásipkerlermen saýda kólemi 8,6 paıyzǵa joǵarylady
ASTANA. QazAqparat - Qazaqstanda 2014 jylǵy qańtar-qazandaǵy bólshek saýda kólemi ótken jylǵy tıisti kezeńmen salystyrǵanda 12,3 paıyzǵa joǵarylap, 4 716,6 mlrd. teńgege jetti.
«2014 jylǵy qańtar-qazanda saýda kásiporyndary arqyly taýarlardy ótkizý kólemi 2 551 mlrd. teńgeni qurady nemese 2013 jylǵy osy kezeńmen salystyrǵanda naqty máni 15,6 paıyzǵa artyq», - delingen QR Ulttyq ekonomıka mınıstrligi Statıstıka komıtetiniń málimetinde.
Bıylǵy 10 aıda bazarlarmen jáne jeke kásipkerlermen saýda kólemi ótken jyldyń tıisti kezeńimen salystyrǵanda naqty máni 8,6 paıyzǵa joǵarylady, atalǵan ótkizý arnasynyń úlesi bólshek saýdanyń jalpy kóleminde 45,9 paıyzdy qurady.
Bólshek saýda qurylymynda azyq-túlik emes taýarlar basym (bólshek saýdanyń jalpy kólemine 65,4%). Azyq-túlik emes taýarlardyń bólshek saýdada ótkizilýi ótken jyldyń tıisti kezeńimen salystyrǵanda 13,4 paıyzǵa ósti, azyq-túlik taýarlar - 10,2 paıyzǵa ulǵaıdy.
2014 jylǵy 1 qarashaǵa bólshek saýdadaǵy saýdamen aınalysatyn kásiporyndardyń taýarlyq qorlarynyń kólemi 312,7 mlrd. teńgeni qurady, saýda kúnderine shaqqanda 51 kúnge jetedi.
Bólshek saýdanyń jalpy kólemindegi asa joǵary úles salmaqty 2014 jyly qańtar-qazanda respýblıkada Almaty qalasy (27,5%), Astana qalasy (10,4%) jáne Qaraǵandy oblysy (9,6%) qamtydy.
