Bıyl Baıqońyrdan 11 zymyran tasyǵyshy ushyrylmaq

BAIQOŃYR. QazAqparat – Baıqońyr ǵarysh aılaǵynda aldaǵy ushyrylymdarǵa daıyndyq boıynsha jumystar belsendi túrde júrgizilýde, dep habarlaıdy QazAqparat tilshisi.

Baıqońyr ǵarysh aılaǵynan 2021 jylǵa bekitilgen ushyrý josparyna sáıkes kelesi ushyrylym 30 maýsymǵa josparlanǵan. Bul kúni «Progress MS-17» ǵarysh júk kóligin orbıtaǵa shyǵaratyn «Soıýz 2.1 a» zymyran tasyǵyshyn ushyrý josparlanǵan.

Jazdyń sońyna deıin taǵy úsh ushyrylym josparlanǵan. 15 shildede Halyqaralyq ǵarysh stantsııasyna arnalǵan «Ǵylym» zerthanalyq modýlimen «Proton-M» zymyran tasyǵyshy, 2 tamyzda «Fregat-M» údemeli blogy bar «Soıýz-2-1B»zymyranynda OneWeb 34 spýtnıgi, 26 tamyzda «Soıýz-2-1B/Fregat-M» zymyranynda OneWeb 34 spýtnıgi ushyrylýy kerek.

Baıqońyr ǵarysh aılaǵynan eń kóp ushyrylym 2021 jyldyń kúzine josparlanǵan. Tamyz-qyrkúıek aılaryna bıyl osymen ekinshi ret «Ekspress-AMÝ3, Ekspress-AMÝ7» ǵarysh apparattarymen «Proton-M»zymyran tasyǵyshyn ushyrý josparlanyp otyr.

18 qyrkúıekte bortynda OneWeb 34 spýtnıgi bar «Soıýz-2-1B» zymyrany ushyrylady.

5 qazanda «Soıýz MS-19» basqarylatyn kemesi bar «Soıýz-2» zymyran tasyǵyshynyń ushyrylymy ótedi. 28 qazanda «Progress MS-18» kóliktik júk kemesimen «Soıýz-2.1 a» zymyrany ushyrylady.

24 qarashada «Soıýz – 2-1-B» zymyranynyń kómegimen taǵy bir ǵarysh kemesin – «Progress M-ÝM-dy» ushyrý josparlanýda.

8 jeltoqsanda bortynda ǵaryshtyq týrısteri bar «Soıýz MS-20» basqarylatyn kemesimen «Soıýz-2» zymyrany ushyrylmaq.

23 jeltoqsanda Baıqońyrdan «Fregat-M» údemeli blogy bar «Soıýz-2-1B» zymyran-tasyǵyshymen OneWeb 34 spýtnıgi ushyrylady.

Ushyrylymdar jospary aı saıyn naqtylanýy múmkin.

Avtor: Sara Qabıqyzy