Bıyl Baıqońyr nysandary gazǵa qosylady
«Qazirgi tańda Baıqońyrda alǵashqy áleýmettik nysandardy gazǵa qosýdyń naqty múmkindigi bar. Biz apta saıyn bul másele boıynsha jınalyp, málimetterdi baıandap turamyz. Sondyqtan da bıyl áleýmettik nysandar gaz júıesine qosylady dep úmittenemiz», - dep atap ótti vıtse-mınıstr Ortalyq kommýnıkatsııalar qyzmetindegi baspasóz máslıhatynda.
Óz kezeginde «QazTransGaz Aımaq» AQ Bas dırektory Manas Tasybaev ótken jyly 48 shaqyrym jeliniń qurylysy júzege asyrylǵanyn eske salyp ótti.
«Jaz kezinde úkimetaralyq komıssııanyń otyrysy ótip, onda gazdandyrýdyń kestesi bekitildi. Atap aıtqanda, bizdiń jeliler búginde daıyn tur, osy oraıda jyl sońyna qaraı gaz beremiz dep úmittenemin», - dedi M. Tasybaev.
Aıta keteıik, baspasóz máslıhaty barysynda Energetıka vıtse-mınıstri Maǵzum Myrzaǵalıev Astanany gazdandyrý jobasy boıynsha naqty sheshim qabyldanbaǵanyn aıtqan bolatyn .
