Bıyl Baıqońyr ǵarysh aılaǵynyń qurylǵanyna 65 jyl tolady
1955 jyldyń 12 aqpanynda SSSR Qorǵanys mınıstrliginiń №5 ǵylymı-zertteý synaq polıgonyn qurý týraly qaýly jarııalandy. Biraq Baıqońyrdyń negizi qalanǵan data retinde polıgonnyń uıymdastyrýshylyq-shtattyq qurylymy bekitilgen – 1955 jyldyń 2 maýsymy belgilendi.
Baıqońyrda ǵarysh kesheniniń 65 jyldyǵy keńinen atap ótiletini josparlanýda. Jerdiń tuńǵysh ǵarysh aılaǵynyń tarıhshylary ataýly dataǵa daıyndyqty alǵashqy bolyp bastady.
Mereıtoıǵa oraı Baıqońyr kosmodromy tarıhynyń mýzeıi óziniń saıtynda ardagerlerdiń estelikterin jarııalap otyrý aktsııasyn bastady. «Qalashyqtyń qurylýy» atty birinshi maqala Lııa Molokovanyń estelikterine arnaldy.
«Keleshek kosmodromnyń qurylysy qatań qupııada saqtaldy. Sondyqtan kosmodromnyń jáne qurylyp jatqan aýyldyń ataýy ártúrli kezeńde túrlishe ataldy: «Taıga» aýdany, Máskeý-400, Tashkent-90 (qurylysshylar úshin), Qyzyl-Orda-50 (ǵaryshkerler úshin). Osy mekenjaılar boıynsha áskerı qurylysshylar jáne mamandar, ofıtserlerdiń otbasylary, qyzmet kórsetýshi personal (aspaz, satýshy, daıashylar) kelip jatty. Osy mekenjaılar boıynsha áskerı bólimshelerge jáne aýyl turǵyndaryna hattar jetkizildi», - dep jazady ardager.
Onyń aıtýynsha, Lenınsk kentinde (1958-1966 jyldar aralyǵyndaǵy ataýy) bılik áskerı qyzmetshilerdiń qolynda boldy. Tazalyqty soldattar júrgizdi. Sondyqtan kóshede árdaıym minsiz tazalyq edi.
Tarıhı aktsııanyń uıymdastyrýshylary Baıqońyr tarıhyn adamdardyń estelikterimen tolyqtyrýdy kózdeıdi.
Qalalyq mýzeı qyzmetkerleri «bul, súıikti qala úshin jaqsy syılyq bolatynyna» senimdi.
