Bıyl «Baıqońyr» ǵarysh aılaǵynan 13 zymyran sátti ushyrylǵan

BAIQOŃYR. QazAqparat - 24 jeltoqsanda «Elektro-L» № 3 Reseı meterologııalyq jer serigi bar «Proton-M» zymyran-tasyǵyshy ushyrylǵan bolatyn. «Roskosmos» 2019 jylǵa arnalǵan Baıqońyr ǵarysh aılaǵynyń ushyrý baǵdarlamasyn aıaqtady, dep habarlaıdy QazAqparat tilshisi.

2019 jylǵy statıstıkaǵa sáıkes, Halyqaralyq ǵarysh stantsııasynyń baǵdarlamasy boıynsha Reseı Federatsııasy Qorǵanys mınıstrligi múddeli kommertsııalyq ushyrý baǵdarlamasy aıasynda Baıqońyrdan 13 ǵarysh ushyrylymy júzege asyryldy.

«16 jyl ishinde alǵash ret Reseı ǵaryshtyq ushyrylymdy apatsyz aıaqtady. Onyń 13-i - Baıqońyr ǵarysh aılaǵynan, 8-i - Plesetskiden, bireýi - Shyǵystan, úsheýi - Kýrýdan ushyryldy», - dep habarlaıdy «Roskosmostyń» baspasóz qyzmeti.

«Alaıda, 25 ushyrylym sátti bolsa da, 33 ushyrylymymen (31-i sátti) Qytaıdy jáne 27 ǵarysh ushyrylymymen AQSh-ty kóshbasshylyq pozıtsııadan yǵystyrý úshin jetkiliksiz boldy», - deıdi sarapshylar.