Bıyl Batys Qazaqstanda 1364 otbasy baspanaly bolady

BQO qurylys basqarmasy basshysynyń orynbasary Álibek Antazıevtiń Ortalyq kommýnıkatsııalar qyzmeti óńirlik fılıalynda málim etkenindeı, turǵyn úı qurylysyna 6 221,766 mln. teńge qaralsa,  sonyń ishinde Ulttyq qordan 2 031,117 mln. teńge, ishki zaıym esebinen 2 459,709 mln. teńge, jergilikti qazynadan 62,681 mln. teńge berilmek. Injenerlik-kommýnıkatsııalyq ınfraqurylym qurylysyna 1 916,403 mln. teńge, sonyń ishinde Ulttyq qordan 1 118,992 mln. teńge, respýblıkalyq qazynadan 319,648 mln. teńge, jergilikti bıýdjetten 540,444 mln. teńge jumsalmaq.

2017 jyly 10 kóp páterlik (1318 páter), aýyldyq eldi mekenderde 24 turǵyn úı, barlyǵy 1364 páterdi paıdalanýǵa berý kózdelýde. Bıyl memlekettik qoldaý arqyly 113,7 myń sharshy metr turǵyn úıdi iske qosý josparlanýda. Oǵan qosa 11 ınjenerlik-kommýnıkatsııalyq ınfraqurylym nysany qurylysy jalǵasýda.

Aıta keteıik, ótken jyly 2020 jylǵa deıingi óńirlerdi damytý baǵdarlamasy aıasynda «Qoljetimdi baspana - 2020» baǵdarlamasyna sáıkes 16 kóp páterlik, 25 bir páterlik turǵyn úıler men 39 ınjenerlik-kommýnıkatsııalyq ınfraqurylym nysanyn salýǵa 16,7 mlrd. teńge bólingen bolatyn. Sonyń ishinde turǵyn úı qurylysyna 11 883,8 mln. teńge baǵyttaldy. Jyl qorytyndysynda barlyq qarjy kózderi esebinen 189,3 myńnyń ornyna 275,4 myń sharshy metr turǵyn úı paıdalanýǵa berildi. Bul jyldyq jospardan 45,5 paıyzǵa, aldyńǵy jylǵydan 5,2 paıyzǵa artyq. Memlekettik qoldaý arqasynda 71,5 myń sharshy metr (939 páter) turǵyn úı iske qosyldy, bul 2015 jylǵydan 56,1 paıyzǵa kóp. 39 ınfraqurylym nysanynyń 20-sy márege jetse, sonyń ishinde 193,2 km elektr, 83,1 km sýmen qamtý, 28 km gaz, 4,7 km káriz, 14 km sý burmalary jelisi tartylyp, 6 km kvartalishilik jol salyndy. 19 nysan boıynsha jumys 2017 jylǵa aýysty. Barlyǵy 5178 jer telimine ınjenerlik jeliler jetkizildi.

«Bıyl oblys boıynsha jeke úı qurylysyn salýǵa 3417 jer telimi beriletin bolady», -dedi Á.Antazıev.