Bıyl Batys Qazaqstanda 1318 otbasy úshin jańa úıler salyna bastaıdy
BQO qurylys basqarmasy basshysynyń orynbasary mindetin atqarýshy Renat Gaınýtdınovtyń aıtýynsha, sonyń ishinde 5 424,8 mln. teńge Ulttyq qordan, 721,1 mln. teńge respýblıkalyq jáne 1 516,054 mln. teńge jergilikti bıýdjetten qaralyp otyr.
Ótken jyl qorytyndylaryna toqtala ketsek, memlekettik baǵdarlamalar aıasynda kóp páterli - 8 (914 páter) jáne Saıqyn men Jańaqala aýyldarynda bir páterli 25 úı iske qosyldy. Sonyń ishinde turǵyn úı qurylys jınaq banki salymshylaryna arnalǵan - 1, jas otbasylar úshin - 1, jergilikti atqarýshy organda kezekte turǵandarǵa - 1 jáne «Báıterek» UBH» AQ («QIK» IU» AQ) jelisi boıynsha kezekte turǵandarǵa 5 kóp páterli úı boı kóterdi.
2016 jyly barlyq qarjy kózderi esebinen 4 bilim nysany (Shyńǵyrlaýda 290 oryndyq balabaqsha, Zelenov aýdany Ozernyı aýylynda 48 oryndyq mektep, Oralda oqýshylar men jastar saraıy, Aqsaıda 140 oryndyq balabaqsha), 1 densaýlyq saqtaý nysany (Oralda 300 tósektik kópbeıindi qalalyq aýrýhana), ishki ister organynyń eki nysany (Oralda ákimshilik ǵımarat, salt atty polıtsııanyń 25 jylqyǵa arnalǵan bazasy) salyndy. Oǵan qosa 3 bilim nysany (Oralǵa qarasty Zachagan okrýgindegi «Sarytaý» shaǵynaýdanynda 900 oryndyq, Derkólde 600 oryndyq mektep, Qaztalov aýdany ortalyǵynda 100 oryndyq mektep-ınternat), qos birdeı qorshaǵan ortany qorǵaý nysanynyń (Syrym aýdanynda Óleńti sýlandyrý júıesi jáne Sholańqaty ózeninde sý jiberý qurylymy) qurylysy bastaldy. Bıyl bul nysandardyń qurylysy aıaqtalady.
2017 jyly memlekettik baǵdarlamalar aıasynda kóp páterli - 10 (1318 páter) jáne Bókeı ordasy aýdany ortalyǵy Saıqyn aýylynda bir páterli 10 turǵyn úıdi paıdalanýǵa berý kózdelýde. Sonyń ishinde jas otbasylarǵa arnalǵan - 1, «QIK» IU» AQ jelisi arqyly - 1, «Báıterek Development» AQ arqyly - 3, memlekettik-jekemenshik áriptestik aıasynda - 1 jáne ishki zaıym esebinen kóp páterli 3 úı turǵyzylmaq.
«Bıyl sondaı-aq Terekti aýdany Podstepnyı aýylynda 300 oryndyq mádenıet úıi, Oralda 300 oryndyq №4 mektepke qosa Derkól aýylynda 600 oryndyq taǵy bir mekteptiń jáne Zelenov aýdany Darııan aýylynda 100 oryndyq ınternatymen 300 oqýshylyq qazaq orta mektebiniń qurylysy bastalmaqshy», - dedi «QazAqparat» tilshisine R.Gaınýtdınov.
