Bıyl «Batys Eýropa - Batys Qytaı» dálizi aıasyndaǵy Shymkent-Taraz ýchaskeleri ashylady
Bul týraly Májilistiń Ekonomıkalyq reforma jáne óńirlik damý komıtetiniń keńeıtilgen otyrysynda QR Investıtsııalar jáne damý mınıstriniń birinshi orynbasary Jeńis Qasymbek málim etti. Eske sala keteıik, otyrys barysynda «Nurly jol - bolashaqqa bastar jol» jańa ekonomıkalyq saıasatynyń sheńberindegi kólik ınfraqurylymyn damytý máseleleri talqylanǵan bolatyn.
Mınıstr orynbasarynyń aıtýynsha, búgingi kúni halyqaralyq dálizdiń 1884 shaqyrymynda jumystar tolyq aıaqtalǵan. Sonyń ishinde Shymkent qalasynan Reseı shekarasyna deıingi aralyqtaǵy jáne Jambyl oblysy baǵytyndaǵy ýchaskeler tolyq ashylǵan. Atalǵan baǵyttardyń iske qosylýy nátıjesinde júk tasymalynyń kólemi úsh esege artyp otyr.
«Bıyl jospar boıynsha «Batys Eýropa-Batys Qytaı» dáliziniń 144 shaqyrymynda jumystar aıaqtalady, Shymkent-Taraz ýchaskeleri ashylady. Al 304 shaqyrymdy quraıtyn qalǵan Almaty - Qorǵas ýchaskesi men 102 shaqyrymdy quraıtyn Shymkent-Tashkent ýchaskeleriniń joly 2016 jyly iske qosylyp, joba tolyǵymen aıaqtalady», - dedi J. Qasymbek.
