Bıyl Batyrhan Shúkenovtiń 60 jyldyǵy atap ótiledi

NUR-SULTAN. QazAqparat –Mádenıet jáne sport mınıstrligi Aqtoty Raıymqulova el aldyndaǵy esebinde jyl aıaǵyna deıin josparlanǵan mereıtoılarǵa toqtaldy, dep habarlaıdy QazAqparat tilshisi.

«Mereıtoılyq is-sharalardyń tujyrymdamalyq kún tártibi ıdeologııalyq, aǵartýshylyq mazmunǵa toly jáne sapaly is-sharalardy ótkizýge negizdelgen», - dedi mınıstr.

Onyń aıtýynsha, bıyl Qazaqstannyń Halyq Qaharmany Erkeǵalı Rahmadıevtiń 90 jyldyǵyn, belgili qoǵam qaıratkeri Oljas Súleımenovtiń 85 jyldyǵyn, KSRO-nyń Halyq ártisi Álibek Dinishevtiń 70 jyldyǵyn, QR Eńbek sińirgen qaıratkeri Batyrhan Shúkenovtiń 60 jyldyǵyn uıymdastyrý men ótkizý josparlanyp otyr.