Bıyl bankterdiń ekonomıkaǵa salǵan kredıtteriniń kólemi ulǵaıdy
«Bankterdiń kredıttik belsendiligi jandanýda. Jyl basynan bastap bankterdiń ekonomıkaǵa salǵan kredıtteriniń kólemi 13,2 trln teńgege deıin jetip, 4 paıyzǵa ulǵaıdy. Teńgedegi kredıtter 9,5 trln teńgege deıin 10,6 paıyzǵa negizinen uzaq merzimdi bólik esebinen ósti. Shetel valıýtasymen kredıtter 3,7 trln teńgege deıin 9,5 paıyzǵa qysqardy», - dedi ol.
D.Aqyshevtiń aıtýynsha, kredıtter boıynsha ortasha alynǵan stavka qyrkúıekte 14 paıyzǵa deıin, onyń ishinde zańdy tulǵalarǵa berilgen teńgemen kredıtter boıynsha - 13,1 paıyzǵa deıin tómendedi.
«Salalyq bólikte qurylym is júzinde ózgermeıdi - kredıtterdiń eń kóp kólemi saýdaǵa, ónerkásipke, qurylysqa, aýyl sharýashylyǵyna jáne kólikke tıesili. Tutynýshylyq kredıtteý ósýde. Halyqqa tutynýshylyq maqsatqa kredıtterdiń kólemi 9 aıda 2,9 trln teńgege deıin 13 paıyzǵa nemese 332 mlrd teńgege ulǵaıdy. Ulttyq bank atalǵan ósimge erekshe nazar aýdarady. Óıtkeni borysh boıynsha qyzmet kórsetetin irgeli baza - halyqtyń kirisi. Ol baıaý ósedi», - dedi Danııar Aqyshev.
